شیخ رشید عمران خان کا خصوصی پیغام لیکر آج ایران پہنچیں گے

تسنیم خبررساں ادارے کے مطابق،  وزیر ریلوے شیخ رشید (قزوین تا رشت ) ریلوے روٹ کی افتتاحی تقریب میں شریک ہوں گے، ایرانی حکومت نے وزیر ر یلوے کو تقریب میں شرکت کی دعوت دی ہے.

ترجمان ریلوے کے مطابق 6 مارچ کو تقریب کے مہمان خصوصی ایرانی صدرحسن روحانی ہوں گے، وزیر ریلوے دورے کے دوران ایرانی صدر حسن روحانی سے بھی ملاقات کریں گے.

ترجمان ریلوے کے مطابق شیخ رشید ایرانی صدر کو وزیراعظم کا خصوصی پیغام پہنچائیں گے ، وہ رہبر انقلاب امام خامنہ ای سے بھی ملاقات کریں گے اور صدر پاکستان کا پیغام پہنچائیں گے.

شیخ رشید ریل نیٹ ورک کی بہتری اور شراکت داری پرمتعلقہ اداروں سے بات چیت کریں گے.