ایل او سی کی خلاف ورزی؛ بھارتی ڈپٹی ہائی کمشنر کی دفترخارجہ طلبی

خبررساں ادارے تسنیم کے مطابق دفتر خارجہ پاکستان نے لائن آف کنٹرول پر جنگ بندی کی خلاف ورزی اور بلااشتعال فائرنگ پر بھارتی ڈپٹی ہائی کمشنر کو طلب کرکے شدید احتجاج ریکارڈ کرایا۔
ترجمان دفتر خارجہ ڈاکٹر محمد فیصل نے بتایا کہ گورو اہلووالیا کو طلب کرکے لائن آف کنٹرول پر جنگ بندی کی خلاف ورزی پر شدید احتجاج کیا گیا۔
یاد رہے کہ بھارت کی طرف سے 22 اور 23 جولائی کو لائن آف کنٹرول کے باگسر سیکٹر پر فائرنگ کی گئی جس سے 2 عام شہری شہید اور 4 زخمی ہوگئے۔
ڈاکٹر محمد فیصل کے مطابق 22 جولائی کو بھارتی فائرنگ سے ایک بچہ 12 سالہ محمد ریاض شہید جبکہ 18 سالہ ذبیح اللہ زخمی ہوگیا۔ اگلے روز ہاٹ سپرنگ سیکٹر میں بھارتی فائرنگ سے ایک خاتون جان بی بی شہید ہوگئیں جبکہ تین شہری زخمی ہوئے تھے۔
خیال رہے کہ یاد رہے کہ بھارت کی جانب سے ایل او سی کی پہلی مرتبہ خلاف ورزی نہیں کی گئی، البتہ تازہ جارحیت کا یہ واقعہ اس وقت سامنے آیا جب وزیراعظم ہاکستان اپنے پہلے سرکاری دورے پر امریکا میں موجود تھے۔