4 روزہ بارہویں عالمی ''اردو'' کانفرنس کا انعقاد
آرٹس کونسل کے صدر محمد احمد نے کہا کہ4 روزہ بارہویں عالمی اردوکانفرنس کا افتتاح وزیراعلیٰ 5 دسمبر کو کریں گے۔
تسنیم خبررساں ادارے کی رپورٹ کے مطابق، آرٹس کونسل کے صدر محمد احمد نے کہا کہ اس کانفرنس میں دنیا بھر سے 200 فلسفی، محقق، ادیب ، شاعر شرکت کریں گے۔
کانفرنس میں انفرادیت یہ ہے کہ پاکستان کی علاقائی زبانوں، سندھی، بلوچی،سرائیکی ، پشتو اور پنجابی کو بھی شامل کیا گیا ہے جب کہ گزشتہ سال کے مقابلے میں اردو کے زیادہ سیشن رکھے گئے ہیں۔
غالب کی 150سالہ برسی کی مناسبت سے پروگرام اور جشن فہمیدہ ریاض، اس سال ممتاز شخصیات کے ساتھ سیشن بھی ہوں گے جس میں شبنم ،ضیاء محی الدین سمیت اردو ادب کی ممتاز شخصیات اور معروف صحافی شامل ہیں، یہ بات انھوں نے حسینہ معین، نورالہدیٰ شاہ، قدسیہ اکبر، عنبرین حسیب عنبر اور گورننگ باڈی کے ممبران کے ہمراہ پریس کانفرنس میں کہی۔
انھوں نے کہا کہ اس کانفرنس میں دنیا بھر سے 200 فلسفی، محقق، ادیب ، شاعر شرکت کریں گے، رضا علی عابدی، اور شمیم حنفی پاکستان پہنچ چکے ہیں کانفرنس میں شامل ہونے والوں کا تعلق دنیا کے مختلف ممالک سے ہو گا۔
