امام خامنہ ای کا جنرل سلیمانی کی شہادت پر تعزیتی پیغام، دشمن سے سخت انتقام لیں گے


امام خامنہ ای کا جنرل سلیمانی کی شہادت پر تعزیتی پیغام، دشمن سے سخت انتقام لیں گے

امام خامنہ ای نے جنرل قاسم سلیمانی کی شہادت پرتعزیتی پیغام جاری کرتے ہوئے کہا ہے جارحین سے سخت ترین انتقام لیا جائےگا۔

تسنیم خبررساں ادارے کی رپورٹ کے مطابق، امام خامنہ ای نے تکفیری دہشت گردوں کے قاتل اورعالم اسلام کے عظیم مجاہد جنرل قاسم سلیمانی کی شہادت پر تعزیتی پیغام جاری کیا ہے۔

امام خامنہ ای نے اس دردناک سانحے پر حضرت صاحب العصر والزمان ع، تمام امت مسلمہ اور راہروان راہ جہاد و شہادت کو تعزیت اور تسلیت پیش کیا ہے۔

امام خامنہ ای نے فرمایا کہ جنرل سلیمانی امام خیمنی اور مکتب اسلام کے تربیت یافتہ تھے، انہوں نے پوری زندگی راہ خدا میں جہاد کرتے ہوئے گزاری۔

امام خامنہ ای نے تعزیتی پیغام میں فرمایا کہ جنرل سلیمانی کے جانے سے جہاد کے راستے میں کسی قسم کی کوئی رکاوٹ نہیں آئے گی۔

امام خامنہ ای نے فرمایا کہ جنہوں نے اپنے ہاتھوں کو جنرل سلیمانی کے خون سے رنگین کیا ہے ان سے سخت انتقام لیا جائے گا۔

مکمل متن ملاحظہ کیجئے

بسم اللہ الرحمٰن الرحیم

ملت عزیز ایران

اسلام کے عظیم، باعث فخر اور مایۂ ناز کمانڈر عالم ملکوت کی جانب پرواز کر گئے۔گزشتہ شب شہدا کی پاکیزہ ارواح نے قاسم سلیمانی کی پاکیزہ روح کو اپنی آغوش میں لیا۔دنیا کے شیطانوں اور شرپسندوں کے مقابلے  میں برسوں کی مخلصانہ اور شجاعانہ جد و جہد اور راہ خدا میں شہید ہونے کی انکی آرزو رنگ لائی اور سلیمانی کو اس بلند و بالا مقام سے ہمکنار کیا اور ان کا خون بشریت کے شقی ترین افراد کے ہاتھوں زمین پر بہا دیا گیا۔

میں اس عظیم شہادت پر حضرت امام زمانہ ارواحنا فداہ اور خود شہید کی روح کی خدمت میں مبارکباد پیش کرنے کے ساتھ ساتھ ایرانی عوام کی خدمت میں تعزیت پیش کرتا ہوں۔

وہ مکتب اسلام اور مکتب خمینی کے ہاتھوں پروان چڑھنے والوں میں ایک نمایاں چہرہ تھے جنہوں نے اپنی تمام تر عمر راہ خدا میں جہاد کرتے ہوئے گزاری۔

برسوں پر مشتمل انکی انتھک جدو جہد کا پھل انہیں شہادت کی شکل میں ملا اور ان کے چلے جانے سے بلطف و اذن خدا ان کا مشن رکنے اور تعطل کا شکار ہونے والا نہیں ہے۔

مگر سخت انتقام ان مجرموں کے انتظار میں ہے جنہوں نے اپنے ناپاک ہاتھوں کو انکے اور گزشتہ شب شہید ہونے والوں کے خون سے رنگا ہے۔

شہید سلیمانی مزاحمتی و استقامتی محاذ کا ایک بین الاقوامی چہرہ ہیں اور اس محاذ سے وابستہ تمام افراد انکی خونخواہی اور انتقام کے طالب ہیں۔

سبھی دوست اور سبھی دشمن یہ سمجھ لیں کہ مزاحمت و استقامت کی راہ مزید مستحکم عزم و حوصلے کے ساتھ جاری و ساری رہے گی اور یقینی طور پر کامیابی اس مبارک راہ میں گامزن رہنے والوں کے قدم چومے گی۔

ہمارے عزیز اور جانثار کی شہادت ہمارے لئے تلخ ضرور ہے مگر آخری کامیابی کے حصول تک اپنی جد و جہد قاتلوں اور مجرموں کے لئے اِس سے کہیں زیادہ تلخ ثابت ہوگا۔

ایرانی عوام شہید والا مقام میجر جنرل قاسم سلیمانی اور ان کے ہمراہ شہید ہونے والوں بالخصوص عظیم مجاہدِ اسلام جناب ابو مہدی المہندس کی قدرداں رہیں گے۔

میں ملک میں تین روزہ عام سوگ کا اعلان کرتا ہوں اور ان کی اہلیہ، ان کے بچوں اور دیگر اعزا و اقارب کو مبارکباد اور تعزیت پیش کرتا ہوں۔

سید علی خامنہ ای

 

 

 

اہم ترین دنیا خبریں
اہم ترین خبریں
خبرنگار افتخاری