ایک ملک میں دو صدر،اشرف غنی اور عبداللہ عبداللہ کی تقریبِ حلف برداری


ایک ملک میں دو صدر،اشرف غنی اور عبداللہ عبداللہ کی تقریبِ حلف برداری

الیکشن کمیشن کی جانب سے صدارتی انتخاب میں اشرف غنی کی کامیابی کا نوٹیفیکشن جاری کرنے کے باوجود حریف رہنما عبداللہ عبداللہ نے نتائج کو مسترد کرتے ہوئے خود ساختہ صدر ہونے کا دعویٰ کیا اور اپنے حامیوں کے ہمراہ گزشتہ روز تقریب حلف برداری منعقد کی جہاں انہوں نے صدر کا حلف بھی اُٹھالیا۔

تسنیم خبررساں ادارے کی رپورٹ کے مطابق، نومنتخب افغان صدر کی تقریب حلف برداری کے دوران 2 دھماکوں کی آوازیں سنائی دیں جس پر انہوں نے حاضرین کو اپنا سینہ دکھاتے ہوئے کہا کہ میں نے بلٹ پروف جیکٹ نہیں پہنی کیوں کہ میرا سینہ عوام پر قربان ہونے کے لئے حاضر ہے۔

کابل میں نومنتخب صدر کی تقریب حلف برداری جاری تھی کہ اس دوران 2 زوردار دھماکوں کی آواز سنائی دیں جس پر تقریب کو کچھ دیر کے لیے روک دیا تاہم کچھ ہی دیر بعد صدر اشرف غنی اسٹیج پر کھڑے ہوئے اور حاضرین کو اپنا سینہ دکھاتے ہوئے کہا میں نے بلٹ پروف جیکٹ نہیں پہنی ہوئی ہے کیوں کہ میرا سینہ افغان عوام پر قربان ہونے کے لئے حاضر ہے۔

بعد ازاں افغان صدر اشرف غنی نے اپنی تحریر شدہ تقریر جاری رکھی۔ جس میں انہوں نے طالبان اور امریکا کے درمیان ہونے والے امن معاہدے کی تعریف و توصیف کی تاہم طالبان اسیروں کی رہائی کے معاملے پر شدید تحفظات کا اظہار کیا اور ساتھ ہی اپنے حریف عبد اللہ عبداللہ کو عوام کے ووٹوں کا احترام کرتے ہوئے شکست تسلیم کرنے اور جمہوریت کو جاری رکھنے کے لیے ذاتی انا کو ختم کرنے کا مشورہ دیا۔

دوسری جانب صدر اشرف غنی کی تقریب حلف برداری جاری ہے جس میں امریکا کے خصوصی نمائندے زلمے خیل زاد سمیت کئی ممالک کے نمائندے، اعلیٰ سرکاری حکام اور بڑی تعداد میں عوام بھی شریک ہیں۔

 

اہم ترین دنیا خبریں
اہم ترین خبریں
خبرنگار افتخاری