پاک فوج کا تربیتی مشاق طیارہ گر کر تباہ، 2 پائلٹ شہید

تسنیم خبررساں ادارے نے آئی ایس پی آر کے حوالے سے خبر دی ہے کہ  پاک فوج کا تربیتی طیارہ گجرات کے گاؤں چوپالا میں گر کر تباہ ہوا، طیارے میں 2 پائلٹ انسٹرکٹر میجر عمر اور لیفٹیننٹ فیضان سوار تھے۔
پاک فوج کے شعبہ تعلقات عامہ (آئی ایس پی آر)  کے مطابق میجر عمر انسٹرکٹر اور لیفٹیننٹ فیضان زیر تربیت پائلٹ تھے۔
واضح رہے کہ مشاق طیارہ معمول کی تربیتی پرواز پر تھا کہ اس دوران یہ ناخوش گوار واقعہ پیش آیا۔
آئی ایس پی آر کے مطابق میجر عمر گجرات اور لیفٹیننٹ فیضان کا تعلق کلرکہار سے تھا۔
واقعے کی وجوہات جاننے کے لیے تحقیقات شروع کردی گئی ہیں۔