سعودی عرب، 12لاکھ غیرملکی محنت کشوں کو ملک بدر کرنے کا فیصلہ

تسنیم خبررساں ادارے کے مطابق سعودی عرب میں کورونا وائرس کے باعث بے روزگاری بڑھ رہی ہے جس کی وجہ سے سعودی حکام نے 12 لاکھ غیر ملکی افراد کو نکالنے کا فیصلہ کیا ہے۔

ذرائع کے مطابق سعودی عرب سے 2020کے دوران تقریباً 12لاکھ تارکین وطن مزدور واپس چلے جائیں گے۔

جدوہ انویسٹمنٹ کمپنی کی ایک رپورٹ کے مطابق میزبانی، کھانے پینے کی خدمات، انتظامیہ اور کھیلوں کی سرگرمیوں ، بہ شمول کرایہ اور لیز ، ٹریول ایجنسیوں ، سکیورٹی اور عمارتوں کی خدمات کے شعبے زیادہ متاثر ہوں گے اور ان میں کام کرنے والے تارکینِ وطن مزدور آبائی ممالک کو لوٹ جائیں گے۔