سی پیک اور بیلٹ اینڈ روڈ پورے خطے کے لئے فائدہ مند ثابت ہوں گے، ایرانی سفیر

تسنیم خبررساں ادارے کی رپورٹ کے مطابق، اسلامی جمہوریہ ایران کے سفیر محمد علی حسینی کا کہنا ہے کہ یہ منصوبے خطے کی تقدیر بدل کر رکھ دیں گے۔

انہوں نے کہا کہ بیلٹ اینڈ روڈ اور سی پیک منصوبے نہ صرف خطے بلکہ دیگر ممالک کیلئے بھی فائدہ مند ہیں، یہ منصوبے خطے کی ترقی اور تعاون کیلئے انتہائی موزوں پلیٹ فارم ہیں۔

خیال رہے کہ ایران نے چابہار ریل منصوبے کیلئے فنڈز کی فراہمی میں تاخیر پر بھارت کو اس منصوبے سے باہر کردیا ہے اور اعلان کیا ہے کہ وہ خود ہی اس منصوبے کو مکمل کرے گا۔