روالپنڈی؛ محرم الحرام کے حوالے سے اہم اجلاس، فول پروف سکیورٹی کا اعلان

تسنیم خبررساں ادارے کے مطابق اجلاس میں میں علامہ زاہد عباس کاظمی، سید افضال ہمدانی ،چوہدری مشتاق حسین، سید سجاد حسین ہمدانی،سید ابصار کاظمی، سید لیاقت حسین شاہ، سید مجتبٰی نقوی، سید ناظم عباس زیدی کے علاوہ ایس ایس پی انوسٹی گیشن، ایس ایس پی آپریشنز ایس پی راول سمیت ماتحت پولیس افسران نے شرکت کی۔

شرکاء کاکہنا تھاکہ محرم کے دوران تمام مکاتب فکر مثالی عقیدت کے تحت نواسہ رسول ؐ حضرت امام حسین علیہ السلام  کا غم مناتے ہیں۔

سی پی او نے کہا کہ محرم الحرام کے دوران مجالس اور جلوسوں کی سکیورٹی کے فول پروف انتظامات کیے جائیں گے۔

تمام علماء کرام کسی بھی فورم سے مذہبی دل آزاری یا مذہبی منافرت کے پھیلائو کی حوصلہ شکنی کریں۔