ملتان: عاشورہ محرم کے دوران واسا ملازمین کی چھٹیاں منسوخ‘ ڈیوٹی پلان جاری

تسنیم خبر رساں ادارے کے مطابق منیجنگ ڈائریکٹر واسا مشتاق احمد خان کی ہدایت پر عاشورہ محرم کے دوران ملازمین کی چھٹیاں منسوخ کر کے ڈیوٹی پلان جاری کردیا گیا ہے۔

جبکہ شہریوں کو نکاسی آب کی سہولت کی فراہمی،جلوس روٹس پر گٹروں کے ڈھکنوں کی مرمت ،سیوریج سسٹم کے اوور فلو کے خاتمے اور لائنوں کی صفائی کے لیے جاری آپریشن میں تیزی آ گئی ہے ۔

ٹیمیں  ڈی سلٹنگ، شکایات کا فوری ازالہ کرنے میں سرگرم ہیں۔ منیجنگ ڈائریکٹر واسا نے زیادہ سے زیادہ مین ہولز کی صفائی اور مرمت کروانے کی ہدایت کی ہے۔