ایران کا برطانیہ کو کرارا جواب، تیل بردار بحری جہاز پکڑ لیا


ایران کا برطانیہ کو کرارا جواب، تیل بردار بحری جہاز پکڑ لیا

اسلامی جمہوریہ ایران کے پاسداران انقلاب نے آبنائے ہرمز میں برطانوی تیل بردار بحری جہاز حراست میں لے لیا۔

تسنیم خبررساں ادارے کی رپورٹ کے مطابق، سیکیورٹی ذرائع کا کہنا ہے کہ اسلامی جمہوریہ ایران نے خلیج فارس میں برطانوی تیل بردار جہاز کو بین الاقوامی بحری قوانین کی خلاف ورزی کرنے کی وجہ سے حراست میں لے لیا ہے۔
سپاہ پاسداران کی جانب سے جاری بیان میں کہا گیا ہے کہ مذکورہ برطانوی آئیل ٹینکر کو حراست میں لینے کے بعد قانوی چارہ جوئی کے لئے ہرمزگان صوبے کی بندرگاہ پہنچایا گیا ہے۔
واضح رہے کہ سپاہ پاسداران نے جمعرات کو بھی خلیج فارس میں تیل اسمگلنگ کرنے والے ایک بحری جہاز کو حراست میں لیا تھا۔
برطانوی وزیر خارجہ جیرمی ہنٹ کہتے ہیں گلف میں دو برطانوی جہازوں پر قبضہ کرلیا گیا ہے جبکہ اسلامی جمہوریہ ایران کا کہنا ہے کہ سپاہ پاسداران نے برطانیہ کا صرف ایک بحری جہاز حراست میں لیا ہے۔
خیال رہے کہ 1982 کے قوانین کے مطابق ایک فوجی کشتی آزاد آبی راستے میں عالمی قوانین نافذ کرنے کے لئے کسی بھی فوجی اور سویلین کشتی کو روک سکتے ہیں جو عالمی قوانین کی رعایت نہ کرے۔
یاد رہے کہ برطانیہ اسلامی جمہوریہ ایران کا ایک تیل برادر جہاز حراست میں لیا ہوا ہے۔ جبرالٹر حکام نے 330 میٹر طویل ایرانی تیل بردار جہاز کو چار جولائی کو حراست میں لیا تھا۔ اس سے قبل پاسداران انقلاب خبردار کر چکی تھی کہ جبرالٹر کے نزدیک تیل بردار جہاز حراست میں لینے پر امریکا اور برطانیہ “سخت نادم” ہوں گے

اہم ترین ایران خبریں
اہم ترین خبریں
خبرنگار افتخاری