مقبوضہ کشمیرمیں عزاداران امام حسین علیہ السلام پر تشدد، متعدد افراد زخمی+ ویڈیو


مقبوضہ کشمیرمیں عزاداران امام حسین علیہ السلام پر تشدد، متعدد افراد زخمی+ ویڈیو

مقبوضہ کشمیر میں پابندی کو توڑتے ہوئے عزاداران امام حسین علیہ السلام کی جانب سے محرم الحرام کا جلوس نکالنے پر بھارتی فوج نے عزاداروں پر تشدد اور متعدد افراد کو گرفتار کرلیا ہے۔

تسنیم خبررساں ادارے کی رپورٹ کے مطابق، مقبوضہ کشمیرمیں سینکڑوں جوانوں نے سڑکوں پر نکل کر عزاداری کرنے کی کوشش کی اور بھارت کے خلاف نعرے لگائے۔

 عزدار لبیک یا حسین کے نعرے لگا رہے تھے۔

 

 

یاد رہے کہ نئی دہلی کی جانب سے 5 اگست کو کشمیر کی خصوصی حیثیت ختم کرنے پر کشمیر میں فوجی محاصرہ نافذ کردیا گیا تھا جو اب تک جاری ہے۔

اتوار کے روز چند ایک مقامات پر موبائل فون اور انٹرنیٹ نیٹ ورک کے سگلنز پائے گئے تاہم پوری وادی میں اب تک ہر قسم کی مواصلات بند ہے۔

اس سلسلے میں پولیس نے صبح سویرے ہی شہر کے مختلف علاقوں میں اعلانات کرنا شروع کردیے تھے جس میں شہریوں کو گھروں سے نہ نکلنے کی ہدایت کی گئی تھی اور خلاف ورزی کی صورت میں سخت کارروائی کا عندیہ دیا گیا تھا۔

تاہم مقبوضہ کشمیر میں 1989 میں نئی دہلی حکومت کے خلاف اٹھنے والی مسلح تحریک کے بعد سے عزاداری پر پابندی عائد کردی گئی تھی جس کا جواز یہ دیا گیا تھا کہ مذہبی جلوسوں کو بھارت مخالف جذبات بھڑکانے کے لیے استعمال کیا جاسکتا ہے۔

وادی میں موجود نامہ نگاروں نے اتوار کے روز 2 احتجاج ہوتے ہوئے دیکھے لیکن عزاداروں کو پولیس فوری طور پر گرفتار کر کے لے گئی اس کے علاوہ عزاداروں کو چھڑیوں سے مارا بھی جبکہ عینی شاہدین کا کہنا ہے کہ انہوں نے 6 مزید مقامات پر اسی طرح کے مظاہرے ہوتے ہوئے دیکھے۔

اس سے قبل ہفتے کے روز 4 مقامی صحافی ایک احتجاجی مظاہرے کی کوریج کرنے میں زخمی ہوگئے جس میں 5 ہزار افراد شریک ہوئے، مذکورہ احتجاج کشمیر میں لاک ڈاؤن کے بعد ہونے والا اسب سے بڑا اجتماع تھا۔

ایک صحافی نے بتایا کہ اس کے کیمرے کا لینس ٹوٹ گیا جبکہ ایک صحافی پر پولیس نے لاٹھی چارج کیا جس کے نشانات اس کے جسم پر واضح تھے۔

خیال رہے کہ حکام نے حالیہ دنوں میں سری نگر کے کچھ مقامات پر کچھ پابندیوں میں نرمی کردی تھی لیکن جمعے کے روز سے ان میں دوبارہ سختی کردی گئی۔

اس بارے میں ایک صحافی کا کہنا تھا کہ اتوار کا محاصرہ 5 اگست کے بعد سے اب تک کا سب سے سخت محاصرہ تھا کیوں کہ جہاں پہلے رکاوٹوں پر 3 اہلکار تک تعینات ہوتے تھے اب وہاں 10 اہلکار موجود تھے۔

اس کے علاوہ اس بات کی بھی توقع ہے کہ بھارتی حکومت ان پابندیوں میں عاشورہ کے روز یعنی منگل کو مزید سختی کردے۔

 

 

اہم ترین دنیا خبریں
اہم ترین خبریں
خبرنگار افتخاری