اظهارات عموی رئیس جمهور افغانستان درباره سیاست خارجی بیانگر موضع دولت نیست
وزارت امور خارجه افغانستان با انتشار بیانیهای اعلام کرد که اظهارات اخیر «عبدالقیومکوچی» سفیر این کشور در مسکو در ارتباط با تاجیکستان بیانگر موضع حکومت وحدت ملی نیست.
به گزارش دفتر منطقهای خبرگزاری تسنیم، وزارت امور خارجه افغانستان در بیانیهای از کشور تاجیکستان به عنوان همسایه خوب و دوست همیشگی یاد کرد و اظهارات قیوم کوچی عموی اشرف غنی رئیس جمهور افغانستان درباره دولت «دوشنبه» و مسکو را نظر شخصی وی اعلام کرد.
قیوم کوچی سفیر افغانستان در مسکو هفته گذشته در گفتوگو با شبکه تلویزیونی «شفیع عیار» گفته بود که مواد مخدر در افغانستان تولید میشود ولی از قاچاق این مواد گروههای مافیایی تاجیکستان و روسیه حمایت میکنند.
این اظهارات، واکنش شدید ضمیرکابلوف نماینده ویژه رئیس جمهور روسیه در امور افغانستان و دولت تاجیکستان را در پی داشت.
به گزارش «ایزویستیا»، کابلوف ضمن ابراز مراتب نگرانی خود به سفیر افغانستان در مسکو اظهار داشت که تاجیکستان متحد روسیه است و هرگونه اهانت به این کشور با واکنش شدید مسکو روبرو خواهد شد.
با این حال هفته گذشته دولت تاجیکستان نیز سفیر افغانستان در «دوشنبه» را در واکنش به اظهارات اخیر قیوم کوچی احضار کرد و با ارسال نامهای خواستار بررسی این موضوع از سوی دولت افغانستان شد.
در نامه وزارت امور خارجه تاجیکستان به دولت افغانستان آمده است که عبدالقیوم کوچی بدون در درست داشتن هیچ شواهدی مردم و رهبری تاجیکستان را مورد اهانت قرار داده است.
وزارت امور خارجه افغانستان در اردبیهشت ماه سال جاری بر اساس فرمان مستقیم ریاست جمهوری عبدالقیوم کوچی را به عنوان سفیر افغانستان در مسکو معرفی کرده بود.
قبل از اینکه اشرف غنی عموی خود را به عنوان سفیر در مسکو معرفی کند «عزیزالله کرزی» عموی حامدکرزی رئیس جمهور سابق افغانستان به عنوان سفیر کابل در مسکو بود.
با این حال برخی از کارشناسان معتقدند که اشرف غنی بدون در نظر داشتن شایسته سالاری عموی خود را به عنوان سفیر کابل در مسکو معرفی کرده است در حالیکه روسیه کشوری مهم و تاثیرگذار در افغانستان قلمداد میشود.
انتهای پیام/.