«شیرخان بندر» مهمترین تصرف طالبان/ نیروهای امنیتی به تاجیکستان پناه بردند
در ادامه دومینوی سقوط شهرستان‌های افغانستان، طالبان گذرگاه مرزی «شیرخان بندر» را تصرف کرد و گفته می‌شود که پس از این رویداد، نیروهای امنیتی این کشور به تاجیکستان پناه بردند.
به گزارش دفتر منطقه‌ای خبرگزاری تسنیم، «خالدالدین حکیمی» عضو شورای ولایتی «قندوز» می‌گوید که طالبان مهمترین گذرگاه مرزی میان افغانستان و تاجیکستان «شیرخان بندر، شهر و همه پاسگاه‌های کنترل مرزی» را تصرف کرده است.
مقامات محلی قندوز نیز می‌گویند که طالبان این گذرگاه مهم مرزی با تاجیکستان را پس از یک ساعت درگیری به کنترل خود درآورده است و شماری از نیروهای امنیتی به اسارت درآمدند و یا به خاک تاجیکستان عقب‌نشینی کردند.
«امرالدین ولی» عضو شورای ولایتی قندوز به «سلام‌وطندار» نیز گفته است که پس از تصرف این گذرگاه مرزی، طالبان کنترل تمامی پاسگاه‌های امنیتی را در اختیار گرفته‌اند و از اموال تجاری بازرگانان نیز خبری در دست نیست.
از سوی دیگر، کمیته دولتی امنیت ملی تاجیکستان اعلام کرد که 134 نفر از نیروهای امنیتی افغان به خاک این کشور عقب‌نشینی کردند و مرزبانان تاجیکستانی با رعایت اصول انسان‌دوستانه و حسن همجواری اجازه ورود آزادانه آن‌ها را دادند.
این کمیته با وخیم خواندن وضعیت امنیتی در گذرگاه مرزی افغانستان-تاجیکستان، تعداد نظامیان کشته و زخمی و به اسارت گرفته شده توسط طالبان را حدود 100 نفر اعلام کرد.
سقوط شهرستان‌ها در افغانستان با آغاز خروج نیروهای خارجی شدت گرفته و تنها در 48 ساعت گذشته شهرستان‌های نهرین و بغلان مرکزی ولایت بغلان، شهرستان‌های خان آباد،علی‌آباد، چهاردره، گل‌تپه و شیرخان بندر ولایت قندوز، شهرستان چوره ولایت ارزگان، شهرستان چمکنی ولایت پکتیا، شهرستان‌های کشنده، دولت‌آباد، چهاربولک، زارع، چمتال و بلخ ولایت بلخ و شهرستان خاش ولایت بدخشان توسط طالبان سقوط کرده است.
«فواد امان» سخنگوی وزارت دفاع افغانستان درباره سقوط سریالی شهرستان‌ها می‌گوید: «پیشروی و عقب‌نشینی یک امر طبیعی است و معمولاً اتفاق می‌افتد».
انتهای پیام/.
