تاجیکستان: مشارکت سیاسی همه قومیت‌ها زمینه‌ساز ثبات افغانستان است

به گزارش دفتر منطقه‌ای خبرگزاری تسنیم، امامعلی رحمان، رئیس جمهور تاجیکستان در سخنرانی خود در مجمع عمومی سازمان ملل اظهارداشت که امنیت و ثبات و همکاری منطقه‌ای در آسیای مرکزی به وضعیت افغانستان وابسته است.

رحمان با اظهار اینکه افغانستان دچار وضعیت پیچیده سیاسی، اقتصادی و اجتماعی و بزرگترین بحران بشری در جهان است، تأکید کرد که راه‌اندازی گفتگو‌ی بین‌الافغانی و ایجاد دولت فراگیر با اشتراک نمایندگان همه اقوام، ملیت‌ها و گروه‌های سیاسی و اجتماعی زمینه‌‎‌ساز رسیدن به صلح و ثبات پایدار در افغانستان است.

وی در ادامه از جامعه بین‌المللی خواست تا حجم کمک‌های بشردوستانه به مردم افغانستان را افزایش دهند و از آمادگی دوشنبه برای همکاری در این راستا خبر داد.

رحمان با ابراز نگرانی از مسئله قاچاق مواد مخدر مدعی شد در دو سال اخیر قاچاق از افغانستان به این کشور به مراتب افزایش داشته است و در این مدت تاجیکستان از مناطق مرزی با افغانستان بیش از 10 تُن مواد مخدر را مصادره کرده است.

رئیس جمهور تاجیکستان همچنین درباره حضور و فعالیت گروه‌های تروریستی در افغانستان ابراز نگرانی کرد.

انتهای پیام/.