تاکید پاکستان و تاجیکستان بر تشکیل دولت فراگیر در افغانستان
وزارت خارجه پاکستان در بیانیه‌ای اعلام کرد در دیدار نخست وزیر این کشور با رئیس جمهور تاجیکستان بر تشکیل دولت فراگیر در افغانستان تاکید شده است.
به گزارش دفتر منطقه‌ای خبرگزاری تسنیم، «شهباز شریف» نخست وزیر پاکستان و «امامعلی رحمان» رئیس جمهور تاجیکستان طی دیداری در شهر «دوشنبه» درباره مسائل مختلف از جمله افغانستان گفتگو کردند.
وزارت خارجه پاکستان با انتشار بیانیه‌ای درباره این دیدار اظهار داشت سران دو کشور، افغانستان صلح‌آمیز و مرفه را برای امنیت منطقه مهم اعلام کردند.
بیانیه افزود در سران پاکستان و تاجیکستان توافقنامه همکاری‌های استراتژیک نیز به امضا رسیده است.
بر اساس این بیانیه، شهباز شریف و امامعلی رحمان همچنین تاکید کردند تشکیل یک دولت فراگیر برای ثبات افغانستان مهم است.
نخست وزیر پاکستان گفته است کشورش از بندر «کراچی» و مسیر افغانستان به تاجیکستان کالاهای تجاری ارسال می‌کند اما دولت اسلام‌آباد تلاش می‌کند از طریق جاده و خط ریلی نیز به این کشور متصل شود.
پاکستان و تاجیکستان پیش از این گفته بودند که با تهدیدات امنیتی از خاک افغانستان مواجه هستند اما حکومت طالبان بارها ضمن بی‌اساس دانستن این نگرانی‌ها تاکید کرد از خاک افغانستان هیچ کشوری تهدید نخواهد شد.
انتهای پیام/.