پاکستان؛ ڈالر کی قدرمیں ایک بار پھر اضافہ

تسنیم خبررساں ادارے کی رپورٹ کے مطابق، انٹربینک مارکیٹ میں کاروبار کے آغاز پر ڈالر کی قیمت میں 15 پیسے اضافہ ہو گیاہے جس کے بعد ڈالر 166.80 سے بڑھ کر 166 روپے 95 پیسے پر فروخت ہو رہاہے۔
دوسری جانب سٹاک مارکیٹ میں آج کاروبار کے آغاز پر بہتری دیکھنے میں آ رہی ہے جس پر کاروباری افراد اطمینان کا اظہار کررہے ہیں۔
سٹاک مارکیٹ میں کاروبار کا آغاز ہواتو 100 انڈیکس 31 ہزار 222 پوائنٹس پر تھا تاہم کچھ ہی دیر میں اس میں 250 پوائنٹس کا اضافہ ہوا جس کے بعد انڈیکس 31 ہزار 472 پوائنٹس پر پہنچ گیاہے۔