طالبان کا افغان حکومت سے مذاکرات کرنے سے انکار

تسنیم خبررساں ادارے کی رپورٹ کے مطابق، طالبان نے ایک بار پھر اپنے اس موقف کا اعادہ کیا ہے کہ وہ کابل حکومت سے بات نہیں کریں گے، تاہم وہ طالبان مخالف افغانوں سے اس وقت بات چیت کر سکتے ہیں۔
طالبان کا کہنا ہے کہ کابل حکام بھی عام سیاسی تنظیم کی حیثیت سے مذاکرات میں شامل ہوسکتے ہیں۔
طالبان ترجمان ذبیع اللہ مجاہد نے واضح کیا کہ وہ افغان حکومت سے بات نہیں کریں گے کیونکہ ان کے بقول ‘‘وہ ایسی حکومت کو تسلیم نہیں کرتے جسے امریکا نے قائم کیا تھا اور جس پر بیرونی اثر و رسوخ ہے۔
انہوں نے کہا کہ کابل حکام سرکاری حیثیت سے مذاکرات میں شامل نہیں ہوسکتے کیونکہ طالبان انہیں قبول نہیں کرتے۔