اسرائیل کے خلاف حزب اللہ کی جوابی کارروائی حیران کن ہوگی، شیخ نعیم قاسم

تسنیم خبررساں ادارے کی رپورٹ کے مطابق، لبنان کی اسلامی مزاحمتی تحریک کے رہنما علامہ شیخ نعیم قاسم کا کہنا ہے کہ غاصب صہیونی فوج کی کسی بھی جارحیت کا حیران کن جواب دیا جائے گا۔

انہوں نے اسلامی تحریک کے سربراہ علامہ سید حسن نصراللہ کے حالیہ بیان کی طرف اشارہ کرتے ہوئے کہا ہم جو کہتے ہیں کرکے دکھاتے ہیں۔

اسرائیل کی جانب سے اگرکوئی غلطی کی گئی تو اس کا بھرپور اور دندان شکن جواب دیا جائے گا۔

شیخ نعیم قاسم نے کہا کہ ماحول جنگ کا نہیں بلکہ اسرائیلی حملے کے جواب کا ماحول ہے۔ شیخ نعیم قاسم نے اسرائیل کے حملے پر لبنانی

حکومت کے مؤقف کو درست قراردیتے ہوئے کہا کہ لبنان سکیورٹی کونسل کے رد عمل کا منتظر ہے۔

واضح رہے کہ چند روز قبل اسرائیل کے دو طیارے بیروت کے قریب گر کرتباہ ہوئے تھے۔