ایران| کرونا وائرس سے مزید 221 شہری جاں بحق

تسنیم خبررساں ادارے کی رپورٹ کے مطابق، وزارت صحت کے ترجمان کا کہنا ہے کہ ملک بھرکے مختلف علاقوں سے موصولہ اطلاعات کے مطابق، مزید 2 ہزار79 افراد میں کرونا وائرس کی تشخیص ہوئی ہے جن میں سے 995 افراد کو اسپتال میں داخل کرالیا گیا ہے۔

ڈاکٹر سیما سادات لاری افسوس کا اظہار کرتے ہوئے کہا کہ گزشتہ 24 گھنٹوں کے دوران مختلف اسپتالوں میں زیرعلاج 221 شہری جاں بحق ہوگئے اور وفات پانے والے افراد کی مجموعی تعداد 12 ہزار305 ہوگئی ہے۔

انہوں نے کہا کہ 2 لاکھ 12 ہزار 176 افراد نے کرونا وائرس کو شکست دے کرمکمل طور پر صحت یاب ہوچکے ہیں۔