امریکی جنگی جہاز کی آگ دوسرے دن بھی بجھائی نہ جاسکی، 60 زخمی

تسنیم خبررساں ادارے کی رپورٹ کے مطابق، امریکی جنگی جہاز میں لگنے والی آگ پر قابو پانے کی کوششیں دوسرے روز بھی جاری رہیں۔
عالمی ذرائع کا کہنا ہے کہ ہیلی کاپٹروں اور کشتیوں کی مدد سے جنگی جہاز میں لگی آگ کو بجھانے کی کوشش اب بھی جاری ہے۔
واضح رہے کہ  واقعے میں بحری اہلکار سمیت تقریبا 60 افراد زخمی ہوئے ہیں اور جنگی جہاز میں آگ لگنے کی وجہ اب تک سامنے نہیں آسکی ہے۔
یاد رہے کہ گزشتہ روز سان ڈیاگو کے سمندر میں مرمتی کام کیلئے موجود یو ایس ایس بون ہوم رچرڈ نامی جنگی جہاز میں آگ لگ گئی تھی۔