عراق؛ اربعین حسینی؛ زائرین کو نشانہ بنانے کا ناپاک منصوبہ ناکام، 2خودکش بمبار گرفتار

عراقی آرمڈ فورس کمانڈ کے ترجمان نے اعلان کیا ہے کہ بغداد میں اربعین مارچ کے شرکا کو نشانہ بنانے کے دہشت گردوں کے منصوبے کو ناکام بنا دیا گیا۔

عراقی مسلح افواج کے ترجمان یحییٰ رسول نے گذشتہ رات ایک بیان میں کہا کہ انسداد دہشت گردی فورسز نے شمالی بغداد میں زائرین امام حسین علیہ السلام کو نشانہ بنانے کی کوشش کرنے والے تکفیری دہشت گردوں کا خطرناک منصوبہ ناکام بنا دیا ہے۔

انہوں نے کہا کہ 2 خودکش بمبار زائرین امام حسین علیہ السلام پر حملے کے لئے تیار تھے۔ خفیہ اطلاع پر کارروائی کرکے دونوں خودکش بمبار گرفتار کرلئے گئے ہیں۔