گلگت بلتستان؛ 11 سالہ بچےنے K2 بیس کیمپ پہنچ کر سب کر حیران کردیا

تسنیم خبررساں ادارے کے مطابق، اسکولی سے شروع ہونے والا کنکورڈیا بیس کیمپ تک 90 کلو میٹر کا یہ راستہ مکمل کرنا بچوں کا کھیل نہیں لیکن لاہور کے گیارہ سالہ وائز الیزر نے اپنے والد عشیر چوہدری کے ہمراہ ایک گروپ کے ساتھ یہ ٹریک مکمل کیا۔

مسیحی برادری کے وائز الیزر کا کہنا ہے کہ 15 ہزار فٹ سے زائد بلندی کے بیس کیمپ تک پہنچنے میں ڈر تو خوب لگا لیکن مشن مکمل کیا اور اب نئی تاریخ رقم کرنے کا پلان ہے۔

وائز الیزر کے والد کا کہنا ہے کہ انہوں نے اتنے کم عمر بچوں کے بیس کیمپ تک جانے کے بارے میں نہیں سنا جبکہ وائز الیزر کا کہنا ہے کہ انہیں مشکل تو ہوئی، سردی بہت لگ رہی تھی رات گزارنا آسان نہیں تھا لیکن ہمت نہیں ہاری اور یہی سوچا تھا کہ اب ٹریک مکمل کرنا ہے۔

باہمت بچے کا وقت کے ساتھ شوق بڑھتا جا رہا ہے، چھٹی جماعت کے طالب علم کا کہنا ہے کہ اب ان کا پختہ ارادہ ہے کہ انہوں نے کے ٹو سمٹ کے لیے جانا ہے۔