امضای توافقنامه ترانزیتی «پتا» بهره‌ای برای افغانستان ندارد
خبرگزاری تسنیم: اتاق تجارت و صنایع افغانستان در آستانه امضای توافقنامه ترانزیتی میان کابل، اسلام‌آباد و دوشنبه موسوم به «پتا»، آن را برای افغانستان بی‌‌ثمر می‌داند.
به گزارش دفتر منطقه‌ای خبرگزاری تسنیم، توافقنامه ترانزیتی افغانستان، تاجیکستان و پاکستان موسوم به «پتا» به‌زودی میان این کشورها به امضا می‌رسد.
مقامات وزارت اقتصاد و تجارت تاجیکستان می‌گویند: متن توافقنامه پتا میان نمایندگان بازرگانی افغانستان، پاکستان و تاجیکستان تکمیل شده و به‌زودی امضا خواهد شد.
«سید رحمان نظروف» معاون وزارت اقتصاد و تجارت تاجکستان در اجلاس نمایندگان این سه کشور که در در دوشنبه، پایتخت تاجیکستان برگزار شد، گفت: با امضای توافقنامه ترانزیتی پتا، میزان فعالیت‌های بازرگانی و تجاری میان افغانستان، پاکستان و تاجیکستان به پنج میلیارد دلار افزایش خواهد یافت.
با امضای توافقنامه پتا پاکستان می‌تواند کالاهای خود را از طریق خاک افغانستان به تاجیکستان و آسیای میانه انتقال دهد.
این در حالی است که اتاق تجارت و صنایع افغانستان در این باره اظهار داشت: امضای توافقنامه ترانزیتی پتا هیچ امتیازی برای افغانستان ندارد و تنها پاکستان از آن سود خواهد برد.
«خان جان الکوزی» معاون اتاق‌های تجارت افغانستان خاطرنشان کرد: این توافقنامه نباید از سوی افغانستان به امضا برسد، زیرا در آن تنها منافع پاکستان دیده شده است.
وی اذعان داشت: تاکنون پاکستان هیچ توجهی به مشکلات ترانزیتی بازرگانان و تجار افغان در بندرهای «واگه» و «کراچی» نداشته و برای رفع آن اقدامی نمی‌کند.
انتهای پیام/.*
