مانور نظامی مشترک چین و تاجیکستان در نزدیکی مرزهای افغانستان

به گزارش دفتر منطقه‌ای خبرگزاری تسنیم، وزارت دفاع تاجیکستان اعلام کرد: ارتش چین و تاجیکستان مانور نظامی مشترک بزرگی در مناطق مرزی با افغانستان آغاز کردند و تا 24 اکتبر سال جاری میلادی ادامه خواهد داشت.

این مانور نظامی مشترک بین تاجیکستان و چین در نزدیکی مرزهای افغانستان بخشی از تلاش‌های پکن برای تأمین امنیت در منطقه محسوب می‌شود.

در این مانور مشترک نظامی حداقل 10 هزار سرباز و بالگردهای نظامی، تانک و خودروهای زرهی از کشورهای چین و تاجیکستان حضور دارند.

این در حالی است که مقامات دولتی تاجکستان ماه قبل نیز اعلام کرده بودند که دولت چین در جهت تأمین و حفظ امنیت به ساخت تأسیسات نظامی در امتداد مرزهای خود با تاجیکستان و افغانستان پرداخته است.

دولت چین تلاش دارد تا در واکنش به تهدیدهای روز افزون گروه‌های افراطی در امتداد 1300 کیلومتر مرز مشترک با افغانستان و تاجیکستان تأسیسات نظامی ایجاد کند.

این در مانور در حالی برگزار می‌شود که در هفته‌های اخیر حملات گسترده طالبان به شمال افغانستان در نزدیکی مرزهای تاجیکستان شدت پیدا کرده است.

این حملات تاجایی بود که میدان اصلی شهر قندوز در شمال افغانستان به تصرف طالبان افغان درآمده بود.

همچنین «محمد رضا غفوری» سخنگوی والی جوزجان در شمال افغانستان چندی قبل از آغاز درگیری‌ها بین طالبان و افراد وابسته به داعش در شهرستان «درزاب» این ولایت خبر داده بود.

وی گفته بود که این درگیری زمانی آغاز شد که جنگجویان وابسته به داعش بر یک مخفیگاه طالبان در منطقه «چنانک» شهرستان «درزاب» حمله کردند.

انتهای پیام/.