نگرانی‌های امنیتی تاجیکستان از شمال افغانستان کاهش یافته است
سفیر تاجیکستان در دیدار با مشاور امنیت ملی افغانستان اعلام کرد که پس از عملیات نظامی در ولایت قندوز نگرانی‌های امنیتی کشورش تاحدودی کاهش یافته است.
به گزارش دفتر منطقه‌ای خبرگزاری تسنیم به نقل از «مرکز رسانه‌های دولت افغانستان»، «شرف الدین امام اف» سفیر تاجیکستان در کابل با «حنیف اتمر» مشاور امنیت ملی افغانستان درباره مسائل امنیتی دو کشور دیدار و گفت‌وگو کرد.
وی در دیدار با اتمر گفت که نگرانی‌های امنیتی تاجیکستان از شمال افغانستان تاحدودی کاهش یافته است.
مشاور امنیت ملی افغانستان نیز اظهار داشت که تروریسم تهدید مشترک برای کشورهای منطقه است و نیاز به مبارزه مشترک دارد.
چندی قبل نیز حنیف اتمر با سفر به تاجیکستان درباره مسائل مختلف از جمله امنیت در مرزهای دو کشور با مقامات تاجیک دیدار و گفت‌وگو کرده بود.
سال گذشته، سفارت تاجیکستان با ارسال نامه‌ای رسمی به وزارت امور خارجه افغانستان اعلام کرد که به دلیل ناامنی‌ها در شمال افغانستان، این کشور کنسولگری‌های خود در ولایت‌های «بدخشان» و «قندوز» را به صورت موقت تعطیل می‌کند.
خبرگزاری «ایتارتاس» نیز ماه آذر سال گذشته مدعی شده بود که «حنیف اتمر» مشاور امنیت ملی اشرف غنی و «معصوم استانکزی» سرپرست وزارت دفاع افغانستان از انتقال جنگجویان داعش به مرزهای تاجیکستان و ترکمنستان حمایت می‌کنند.
بر اساس منابع ایتارتاس، جنگجویان داعش به وسیله بالگردهای نظامی می17 به مرزهای تاجیکستان و ترکمنستان انتقال می‌یابند.
پیش از این ، «ظاهر قدیر» معاون اول پارلمان افغانستان در سخنان خود در صحن علنی مجلس این کشور نهادهای امنیتی افغانستان از جمله شخص «حنیف اتمر» مشاور امنیت ملی اشرف‌غنی را متهم به به حمایت از شکل‌گیری گروه تروریستی داعش در افغانستان کرده بود.
انتهای پیام/.
