خلیلزاد: صلح در افغانستان برای تجارت آسیای مرکزی مهم است
نماینده ویژه آمریکا در امور صلح افغانستان در دیدار با رئیس جمهور تاجیکستان تاکید کرد که صلح در افغانستان برای توسعه تجارت آسیای مرکزی مهم است.
به گزارش دفتر منطقه‌ای خبرگزاری تسنیم، «زلمی خلیلزاد» نماینده ویژه آمریکا در امور صلح افغانستان در دیدار با «امامعلی رحمان» رئیس جمهور تاجیکستان بر ضرورت تامین صلح در افغانستان برای توسعه اقتصادی در کشورهای آسیای مرکزی تاکید کرد.
وی در این دیدار گفت: افغانستان پلی بین آسیای مرکزی و جنوبی است. صلح و ثبات در این منطقه برای توسعه تجارت و حمل و نقل کالا و محصولات برای تاجیکستان و سایر کشورهای آسیای مرکزی بسیار مهم است.
دو طرف در این دیدار درباره وضعیت کنونی افغانستان بویژه روند برقراری صلح و ثبات در این کشور و همچنین موضوعات منطقه‌ای و جهانی بحث و تبادل‌نظر کردند.
رحمان نیز ضمن تاکید بر حمایت تاجیکستان از روند مذاکرات صلح افغانستان اظهارداشت که دولت «دوشنبه» از تمام پتانسیل و فرصت‌های موجود خود برای کمک به حل مسئله افغانستان و بازسازی اقتصادی و اجتماعی این کشور ادامه خواهد داد.
به گزارش «خاور»، «سراج‌الدین مهرالدین» وزیر خارجه تاجیکستان نیز در دیدار با خلیلزاد درباره مقدمات برگزاری نشست صلح استانبول، خروج نیروهای خارجی از افغانستان و مسائل منطقه‌ای و جهانی گفت‌وگو کرد.
وزیر خارجه تاجیکستان افزود که تاجیکستان از موضع دولت افغانستان و تلاش‌های جامعه جهانی برای تامین امنیت و صلح و ثبات در این کشور حمایت می‌کند.
انتهای پیام/.
