16 مئی سےاندرون ملک محدود پیمانے پر پروازیں بحال کرنے کا اعلان

تسنیم خبررساں ادارے کے مطابق، سول ایوی ایشن ڈویژن کی جانب سے 16مئی سے اندرون ملک پروازیں بحال کرنے کا اعلان کردیا گیا ہے۔

 سول ایوی ایشن کی جانب سے جاری نوٹیفکیشن کے مطابق پشاور ائیر پورٹ سے 4 اورکوئٹہ ائیرپورٹ سے ہفتہ میں 8 پروازیں چلیں گی جبکہ اسلام آباد اورعلامہ اقبال ائیر پورٹ لاہور سے ہفتے میں 32 پروازیں چلیں گی۔

نوٹیفکیشن کے مطابق جناح ائیرپورٹ کراچی سے ہفتے میں68 پروازیں چلیں گی جبکہ پی آئی اے اور سیرین ایئرلائنز کو اندرون ملک پروازیں چلانے کی اجازت دی گئی ہے۔