مقبوضہ کشمیر میں محرم الحرام کے جلوسوں پر پابندی پر اظہار تشویش

تسنیم خبررساں ادارے کےمطابق، ملتان میں محرم الحرام کی مناسبت سے تقریب سے خطاب کے دوران شاہ محمود قریشی نے کہا کہ معاشرے میں تفریق پیدا کرنے والے عناصر کے عزائم کا ناکام بنانا اجتماعی ذمہ داری ہے،فرقہ واریت کے خاتمے اور ہم آہنگی کے فروغ میں علما کرام اور مشائخ کا اہم کردار ہے۔

وزیر خارجہ کا کہنا تھا کہ کشمیریوں پر ایک سال سے جو ظلم کیا جارہا ہے اس کی مثال نہیں ملتی، بھارت نے جس طرح کشمیریوں کی آواز دبائی پوری دنیا نے دیکھا، انسانی حقوق کے علمبرداروں کو مقبوضہ کشمیر کی صورتحال کا نوٹس لینا چاہیے۔

انہوں نے کہا کہ کشمیر میں مسلسل بلیک آوٹ جاری ہے، مقبوضہ وادی میں مذہبی آزادی پر بھی قدغن ہے، عید پر نماز کی اجازت نہیں دی گئی، محرم الحرام کےجلوسوں اور عزاداری پر بھی پابندی ہے