علی رضا عابدی پرحملہ کرنے والے 2 ملزمان تھے، پیرمحمد شاه
ایس ایس پی پیرمحمد شاہ کا کہنا ہے کہ علی رضاعابدی کے قتل کی ابتدائی تحقیقات جاری ہیں، ذاتی یا سیاسی معاملہ کہنا قبل ازوقت ہوگا۔
تسنیم خبررساں ادارے کی رپورٹ کے مطابق، ایس ایس ایس پی پیر محمد شاہ نے کراچی میں میڈیا سے گفتگو کرتے ہوئے کہا کہ علی رضاعابدی پرحملہ کرنے والے 2 ملزمان تھے۔
انہوں نے کہا کہ علی رضاعابدی کے اہل خانہ نے کوئی خدشہ بھی ظاہرنہیں کیا، ذاتی یا سیاسی معاملہ کہنا قبل ازوقت ہوگا۔
پیر محمد شاہ نے بتایا کہ حاصل موبائل فونزکا فرانزک کرایا جائے گا، علی رضاعابدی کے قتل کی ابتدائی تحقیقات جاری ہیں، 2 سے3 مقامات پرکیمروں میں ملزمان کودیکھا گیا۔
ایس ایس پی نے کہا کہ گارڈ قدیرفائرنگ کا جواب دینے کے بجائے گھرکےاندرچلا گیا تھا، گارڈ نے گھر کےاندرجا کر جوابی کارروائی کے لیے ہتھیارمانگا۔
پیرمحمد شاہ نے بتایا کہ گارڈ کوحراست میں لے لیا گیا ہے، پوچھ گچھ کی جائے گی، گارڈ کا تعلق ڈیرہ غازی خان سے ہے۔
یاد رہے کہ گزشتہ روز متحدہ قومی موومنٹ پاکستان کے سابق رہنما علی رضا عابدی فائرنگ سے جاں بحق ہو گئے تھے، انہیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔