آئندہ مالی سال کے مالیاتی بل کی منظوری دے دی گئی

تسنیم خبررساں ادارے کی رپورٹ کے مطابق، ترجمان ایوانِ صدر کے مطابق صدر مملکت عارف علوی نے گزشتہ روز مالیاتی بل پر دستخط کردیے۔
واضح رہے کہ  آئندہ مالی سال کے مالیاتی بل کو قومی اسمبلی سے منظوری کے بعد صدرِ مملکت کو بھجوایا گیا تھا۔
خیال رہے کہ قومی اسمبلی سے آئندہ مالی سال کا بجٹ 28 جون کو منظور کیا گیا جب کہ ایوان نے مالیاتی بل پر اپوزیشن کی کٹوتی کی تمام تحریکیں مسترد کردیں۔

ایوان میں بجٹ کی شق وار منظوری کے موقع پر اپوزیشن کی جانب سے دفاعی بجٹ میں کٹوتی کی کوئی تحریک پیش نہیں کی گئی جس کے باعث ایوان نے وزارت دفاع کے تمام مطالبات زر منظور کیے اور دفاعی بجٹ کی مد میں 11 کھرب 53 ارب روپے کے بجٹ کی منظوری دی گئی۔