یوم شہادت امام محمد تقی الجواد کی مناسبت سے

خبر رساں ادارہ تسنیم: نواسہ رسول حضرت امام محمد تقی الجواد کی شہادت کی مناسبت سے آپ علیہ السلام کی زندگی کے ایک مختصر حصے کا جائزہ لیتے ہیں؛

امام محمد تقی الجواد (ع) کی نظربندی قید اور شہادت

آپ کی شہادت کے متعلق ملامبین کہتے ہیں کہ معتصم عباسی نے آپ کو زہرسے شہید کیا (وسیلة النجات ص 297) علامہ ابن حجرمکی لکھتے ہیں کہ آپ کو امام رضا کی طرح زہر سے شہید کیا گیا (صواعق محرقہ ص 123) علامہ حسین واعظ کاشفی لکھتے ہیں کہ ”گویند به زهر شهید شد“ کہتے ہیں کہ آپ زہرسے شہید ہوئے (روضة الشہداء ص 438) ۔ ملاجامی کی کتاب میں ہے ”قیل مات مسموما“ کہا جاتا ہے کہ آپ کی وفات زہرسے ہوئی ہے۔

مدینہ رسول سے فرزند رسول کو طلب کرنے کی غرض چونکہ نیک نیتی پرمبنی نہ تھی،اس لیے عظیم شرف کے باوجود آپ حکومت وقت کی کسی رعایت کے قابل نہیں متصور ہوئے معتصم نے بغداد بلوا کرآپ کوقید کر دیا، علامہ اربلی لکھتے ہیں، "جب معتصم تخت خلافت پر بیٹھا تو اس نے امام جواد (علیہ السلام) کو مدینہ سے بغداد بلوایا اور قید کیا"۔ (کشف الغمہ ص 121)۔

ایک سال تک آپ نے قید کی سختیاں صرف اس جرم میں برداشت کیں کہ آپ کمالات امامت کے حامل کیوں ہیں اورآپ کوخدا نے یہ شرف کیوں عطا فرمایا ہے بعض علماء کا کہنا ہے کہ آپ پراس قدرسختیاں تھیں اوراتنی کڑی نگرانی اورنظربندی تھی کہ آپ اکثراپنی زندگی سے بیزارہوجاتے تھے بہرحال وہ وقت آ گیا کہ آپ صرف 25/ سال 3 ماہ 12/ یوم کی عمرمیں قیدخانہ کے اندرآخری ذی قعدہ (بتاریخ 29/ ذی قعدہ 220 ہجری یوم سہ شنبہ) معتصم کے زہرسے شہید ہو گئے۔ (کشف الغمہ ص 121 ، صواعق محرقہ ص 123 ، روضة الصفاجلد 3 ص 16 ، اعلام الوری ص 205 ، ارشاد ص 480 ، انوارالنعمانیہ ص 127 ، انوارالحسینیہ ص 54)۔

آپ کی شہادت کے متعلق ملامبین کہتے ہیں کہ معتصم عباسی نے آپ کو زہرسے شہید کیا (وسیلة النجات ص 297) علامہ ابن حجرمکی لکھتے ہیں کہ آپ کو امام رضا کی طرح زہر سے شہید کیا گیا (صواعق محرقہ ص 123) علامہ حسین واعظ کاشفی لکھتے ہیں کہ ”گویند به زهر شهید شد“ کہتے ہیں کہ آپ زہرسے شہید ہوئے (روضة الشہداء ص 438)۔

ملاجامی کی کتاب میں ہے ”قیل مات مسموما“ کہا جاتا ہے کہ آپ کی وفات زہرسے ہوئی ہے۔ (شواہدالنبوت ص 204) ۔علامہ نعمت اللہ جزائری لکھتے ہیں کہ ”مات مسموما قدسمم المعتصم“ آپ زہرسے شہید ہوئے ہیں اور یقینا معتصم نے آپ کوزہردیا ہے، (انوارالعنمانیہ ص 195)علامہ شبلنجی لکھتے ہیں کہ انہ مات مسموما آپ زہرسے شہید ہوئے ہیں ”یقال ان ام الفضل بنت المامون سقتہ ،بامرابیہا“ کہا جاتا ہے کہ آپ کوآپ کی بیوی ام الفضل نے اپنے باپ مامون کے حکم کے مطابق (معتصم کی مددسے) زہردے کرشہید کیا (نورالابصارص 147 ،ارحج المطالب ص 460)۔

مطلب یہ ہوا کہ مامون رشید نے امام محمد تقی کے والد ماجد امام رضا کو اوراس کی بیٹی نے امام محمد تقی کوبقول امام شبلنجی شہید کرکے اپنے وطیرہ مستمرة اوراصول خاندانی کوفروغ بخشا ہے ، علامہ موصوف لکھتے ہیں کہ ”دخلت امراتہ ام الفضل الی قصرالمعتصم “ کہ امام محمد تقی کوشہید کرکے ان کی بیوی ام الفضل معتصم کے پاس چلی گئی بعض معاصرین لکھتے ہیں کہ امام علیہ السلام نے شہادت کے وقت ام الفضل کے بدترین مستقبل کا ذکرفرمایا تھا جس کے نتیجہ میں اس کے ناسور ہوگیا تھا اوروہ آخرمیں دیوانی ہوکرمری۔

مختصریہ کہ شہادت کے بعد امام علی نقی علیہ السلام نے آپ کی تجہیزوتکفین میں شرکت کی اورنمازجنازہ پڑھائی اوراس کے بعد آپ مقابرقریش اپنے جد نامدار حضرت امام موسی کاظم علیہ السلام کے پہلومیں دفن کئے گئے چونکہ آپ کے دادا کا لقب کاظم اورآپ کالقب جواد بھی تھا اس لیے اس شہرت کوآپ کی شرکت سے ”کاظمین“ اوروہاں کے اسٹیشن کوآپ کے دادا کی شرکت کی رعایت سے ”جوادین“ کہا جاتا ہے۔

اس مقبرہ قریش میں جسے کاظمین کے نام سے یاد کیا جاتا ہے 356 ہجری میں مطابق 998 ء میں معزالدولہ اور 452 ہجری مطابق 1044 ء میں جلال الدولہ شاہان آل بویہ کے جنازے اعتقاد مندی سے دفن کئے گئے کاظمین میں جوشاندار روضہ بنا ہوا ہے اس پربہت سے تعمیری دورگزرے لیکن اس کی تعمیر تکمیل شاہ اسماعیل صفوی نے 966 ہجری مطابق 1520 ء میں کرائی 1255 ہجری مطابق 1856 ء میں محمدشاہ قاچارنے اسے جواہرات سے مرصع کیا۔

ترجمہ و ترتیب: محمدرضا کمیلی