مقبوضہ کشمیر کی صورتحال پر اقوام متحدہ کی نئی رپورٹ جاری

جنیوا سے شائع شدہ رپورٹ کے مطابق مقبوضہ کشمیر میں 2018 میں 160 افراد کو قتل اور 1253 افراد کو بیلٹ گن کے ذریعے بینائی سے محروم کردیا گیا۔

رپورٹ میں مئی 2018 سے لے کر اپریل 2019 تک کشمیر کے دونوں حصوں کی صورتحال کا جائزہ لیا گیا ہے۔

رپورٹ کے مطابق بھارت نے اپنے زیرِ انتظام کشمیر میں 1990 کی پرتشدد پالیسی کو دوبارہ متعارف کرایا ہے جس کے ذریعے بھارتی قابض فوج غیر قانونی حراست، تشدد اور دیگر جبری ہتھکنڈے استعمال کر رہی ہے۔

اقوام متحدہ کو تجویز دی گئی ہے کہ وہ اس رپورٹ میں پیش کردہ اعداد و شمار کی روشنی میں ایک بین الاقوامی کمیشن آف انکوائری قائم کرے تاکہ انسانی حقوق کی خلاف ورزیوں کی آزادانہ تحقیقات کی جا سکے۔

واضح رہے کہ اس رپورٹ کی تیاری میں مقبوضہ کشمیر کی سول سوسائٹی خصوصی طور پر JKCCS نامی تنظیم نے اہم کردار ادا کیا ہے۔