پاک ایران سرحد پر مسلح افراد کی فائرنگ، پاسداران انقلاب کے دو اہلکار شہید

تسنیم خبررساں ادارے کی رپورٹ کے مطابق، پاکستانی سرحد کے نزدیک ایرانی علاقے میں مسلح افراد نے پٹرولنگ پر مامور پاسداران انقلاب کی گاڑی پر اندھا دھند فائرنگ کردی جس کے نتیجے میں 2 اہلکار شہید اور 2 شدید زخمی ہوگئے۔
ذرائع کے مطابق نامعلوم مسلح افراد فائرنگ کے بعد فرار ہوگئے جن کی تلاش میں چھاپہ مار کارروائی جاری ہے۔
یاد رہے کہ رواں برس فروری میں بھی پاسداران انقلاب کے اہلکاروں کو لے جانے والی گاڑی پر دہشت گردوں نے خود کش حملہ کیا تھا جس میں پاسداران انقلاب کے 27 محافظ شہید ہوگئے تھے۔