تہران: شہریوں کا مظلوم کشمیریوں کے حق میں مظاہرہ
ایران کے دارالحکومت تہران میں مقبوضہ کشمیر کے مظوم شہریوں کی حمایت مٰیں مظاہرہ کیا گیا۔
خبررساں ادارے تسنیم کے مطابق کشمیر میں بھارت کے غیرقانونی اقدام کے خلاف ایرانی شہریوں کی بڑی تعداد نے تہران میں اقوام متحدہ دفتر کے باہرمظاہرہ کیا ہے۔
مظاہرین کی تعداد میں اکثریت یونیورسٹی کے طلبا کی تھی جنہوں نے اپنے ہاتھوں میں مختلف بینرز اور پلے کارڈز اٹھا رکھے تھے۔ پلے کارڈز پر بھارتی مظالم کی مذمت میں نعرے درج تھے۔
مظاہرین نے مقبوضہ کشمیر کی خصوصی حیثیت ختم کرنے پربھارت کےخلاف نعرے لگائے۔ مظاہرین نے بھارتی مظالم اورانسانی حقوق کی خلاف ورزیوں کی مذمت کی اور مسئلے کے حل کےلیے عالمی برادری سے کردار ادا کرنے کا مطالبہ کیا۔
یاد رہے کہ چند روز قبل بھی تہران میں مظلوم کشمیریوں کی حمایت میں بھارتی ایمبیسی کے سامنے ایک احتجاجی مظاہرہ کیا گیا تھا۔
مزید پڑھیں