کرپشن کا خاتمہ تحریک انصاف کی حکومت کا مشن ہے: عثمان بزدار
وزیراعلیٰ پنجاب عثمان بزدار کا کہنا ہے کہ کرپشن کا خاتمہ تحریک انصاف کی حکومت کا مشن ہے۔
تسنیم خبررساں ادارے کی رپورٹ کے مطابق، وزیراعلیٰ پنجاب عثمان بزدار کا کہنا ہے کہ وزیراعظم عمران خان کی شفاف قیادت میں بدعنوانی سے پاک نیا پاکستان بنے گا۔
وزیراعلیٰ عثمان بزدار نے بدعنوانی کی روک تھام کے عالمی دن کے موقع پر اپنے پیغام میں کہا کہ کرپشن نے پاکستان کی بنیادوں کو کھوکھلا کیا اور بدعنوانی سماجی ظلم کے مترادف ہے۔
انہوں نے کہا کہ کرپشن کرنے والے اپنے منصب اور ملک سے غداری کرتے ہیں جب کہ بدعنوانی کے باعث معاشرے میں بدامنی اور مایوسی پھیلتی ہے۔
وزیراعلیٰ پنجاب کا کہنا تھا کرپشن کا خاتمہ تحریک انصاف کی حکومت کا مشن ہے اور نئے پاکستان میں کرپٹ لوگوں کی کوئی گنجائش نہیں ہے۔
عثمان بزدار کا کہنا تھا کرپشن کے خلاف زیرو ٹالرنس کی پالیسی اپنائی گئی ہے اور وزیراعظم عمران خان کی شفاف قیادت میں بدعنوانی سے پاک نیا پاکستان بنے گا۔
مزید پڑھیں