امریکا کورونا وائرس سے متاثرہ دنیا کا تیسرا بڑا ملک قرار

تسنیم خبررساں ادارے کی رپورٹ کے مطابق، امریکا میں وائرس سے متاثرہ 708 کی حالت نازک ہے اور سانس کی اس مہلک بیماری سے 396 افراد پہلے ہی دم توڑ چکے ہیں جن میں 94 نئی اموات بھی شامل ہیں۔

واضح رہے کہ 22 مارچ تک دنیا بھر میں کورونا وائرس کے متاثرہ افراد کی تعداد 3 لاکھ سے زائد ہوگئی تھی۔

عالمی سطح پر کورونا وائرس سے اتوار کی دوپہر تک 3 لاکھ 19 ہزار افراد متاثر ہوچکے تھے جبکہ تب تک 13 ہزار 699 افراد لقمہ اجل بن چکے تھے۔

امریکی ٹیلی ویژن چینلز پر طبی ماہرین نے متنبہ کیا کہ متاثرہ افراد کی مجموری تعداد زیادہ ہوسکتی ہے کیونکہ کورونا وائرس کی کم علامات والے افراد اپنی بیماری کے بارے میں رپورٹ نہیں کررہے۔

عالمی ادارہ صحت (ڈبلیو ایچ او) کے مطابق تقریباً 80 فیصد مریض بیرونی مدد کے بغیر صحت یاب ہوئے ہیں لیکن اس وائرس سے بیمار اور بوڑھے افراد کو زیادہ خطرہ ہے۔

دوسری جانب امریکا میں وفاقی حکومت نے ریاستوں کو مشورہ دیا ہے کہ وہ لوگوں کو گھر میں رہنے کی ہدایت کریں اور اگر وہ ایسا کریں گے تو انہیں مالی اور انتظامی مدد فراہم کی جائے۔

اس ضمن میں امریکی حکومت نے نیو یارک، کیلیفورنیا، ایلی نوائے اور اوریگون میں گھروں میں رہنے کا حکم جاری کردیا گیا ہے۔

خٰیال رہے کہ امریکا کی 50 ریاستوں میں 7 کروڑ اور پوری دنیا میں ایک ارب سے زائد لوگ اس وائرس کے خوف میں مبتلا ہیں جبکہ 50 امریکی ریاستوں میں سے ہر ایک میں، ہزاروں افراد نے گھر پر رہنے کے آپشن سے فائدہ اٹھایا ہے۔

علاوہ ازیں امریکی کانگریس نے 10کھرب ڈالر کا پیکیج منظور کیا ہے تاکہ گھروں میں رہنے والے چار افراد کے کنبے کو 3 ہزار ڈالر دیے جائیں۔