عراق؛ جنوبی موصل میں داعش کے خلاف سرچ آپریشن کا آغاز

تسنیم خبررساں ادارے کی رپورٹ کے مطابق، عراقی ذرائع نے اطلاع دی ہے کہ موصل کے جنوب میں داعشی دہشت گردوں کے باقی ماندہ عناصر کے خلاف آپریشن کا آغاز کیا گیاہے۔

حشد الشعبی کے ترجمان کا کہنا ہے کہ سرکاری فوج اور عوامی رضاکار فورسز نے جنوبی موصل میں واقع "جزیرہ کنعوس" کو تکفیری دہشت گردوں کے ناپاک وجود سے پاک کرنے کے لئے باقاعدہ کارروائی کا آغاز کیا ہے۔

حشد الشعبی کے مرکزی دفترسے جاری بیان میں مزید کہا گیا ہے کہ صوبہ نینوا اور اس کے مضافاتی علاقوں میں تکفیری دہشت گردوں کا خاتمہ کیا جائے گا۔

واضح رہے کہ جزیرہ کنعوس میں داعشی دہشت گردوں کے متعدد خفیہ ٹھکانے ہیں جہاں سے وہ عراقی سرکاری فوج اور عوامی رضاکار فورسز پر حملے کرتے رہتے ہیں۔