افغانستان کی سرزمین پاکستان کے خلاف استعمال کرنے کی اجازت نہ دی جائے، شاہ محمود قریشی

تسنیم خبررساں ادارے کے مطابق، وزیر خارجہ شاہ محمود قریشی کا کہنا ہے کہ کچھ قوتیں پاکستان کو عدم استحکام کا شکار کرنا چاہتی ہیں، فرقہ واریت کو ہوا دینے سے اجتناب کرنا ہوگا۔

جیو نیوز کے پروگرام جیو پاکستان میں گفتگو کرتے ہوئے وزیر خارجہ شاہ محمود قریشی نے کہا کہ حکومت اپنی ذمہ داریوں سے غافل نہیں، کوئٹہ میں پی ڈی ایم جلسے کی سیکورٹی کا بندوبست کیا تھا، صوبائی حکومت کے ساتھ وفاقی حکومت کو بھی الرٹ ہونا ہوگا۔

انہوں نے کہا کہ کل شام کو اُن کی افغانستان کے وزیر خارجہ سے بات چیت ہوئی ہے، جس میں کوئٹہ اور پشاور کے دھماکوں کا ذکربھی کیا گیا تھا۔

اُن کا کہنا ہے کہ اپوزیشن سے کئی فارم پر بات چیت ہوسکتی ہے، گستاخانہ خاکوں پر ایک طبقہ سیاست کرنا چاہتا تھا،حکومت اپنی ذمہ داریوں سے غافل نہیں ہے۔

وزیر خارجہ شاہ محمود قریشی نے کہا کہ عید میلاد النبیﷺ پر سیکورٹی کا مکمل بندوبست کیا جائے گا، جس میں علما ءاور عوام کا تعاون درکار ہوگا۔

اس کے علاوہ انہوں نے مزید کہا کہ فرقہ واریت کو ہوا دینے سے اجتناب کرنا ہوگا۔